NL

preus•ke•tier

(de; m/v/x, meervoud: preusketiers)

preuske beskermer van ’t maghtig West-Vlams

Zije preus ip oes dialect en zoei da geirne twogn?

Komt ton Preusketier!

De West-Vloaming es preus ip ’t West-Vlams. En ojje da geirne wil loatn zien ton ein we widder doa tjuste gerief vworn. Makt jon keuze ut onze t-sjirts en andere marsjandizze. Droag ze, gebruk ze of geef ze an un twiene. En olsan preus!! Of kikt ne kjè noa oes gerief da voe nietn es.

Je elpt mee voe oeze preuske boodskappe te verkondigen en ozwoa kom je ton wok lid van oes collectief der Preusketiers.

Grwo nieuws!! Djin woa damme preus ip zin!

Kelly Verdjin - De Preusketiers

Widd’r ein vrjit goe nieuws!!

M’oan ol untwadde voe mins’n die gèrne thee drink’n, of win of bier, moa ’t mankeerde g’lik nog nen aperittif.

Dus me zin ne kji goan klapp’n mé den besten stoker ut de streeke.
En kik: Kelly Verdjin ès geboor’n.

Nen ambachelikken djin mé juste moa klassikke botanicals en gjinne zjiver.

Djin g’lik da ’t moe zin!

 

Wuk wiln we doamee zegn?

’t West-Vlams es tskwonste dialect van oes land en verre doa butn. Moa oas ut gebrukn in de reklames, op tillevizie in series of films zint mjistol niet de slimste gastn nie dient klapn.

Ge weet wel: arde weirkers, goe van erte, moa un bitje dom of boers, me de voetn in d’eirde en gastn dien un bitje ip under geld letn. Peis moa an Eigen Kweek, Bevergem, Nonkels, …

En da tebbisn da oes West-Vlams juste azwoa un beeldende, skerpe en skwonne toale es. Da es wuk dan de Preusketiers duddelik wiln moakn. Da es wuk damme wiln zegn. Goeie umor en skwonne van dessing zin oesze woapens damme gebrukn.

Bronnen: Brussl Vlams, Canvas, Jin, PleijViere

Downloods – voe nietn

Affiche P van Preus - De Preusketiers
Affiche Benny Thus - De Preusketiers
Affiche Jenny Thus - De Preusketiers
Affiche Tzin de slimme die mè de domme leevn - De Preusketiers

Widd’r zin preus ip oeze dessings

Wit je gie wok nog un spreuke dai nie teveele mji wort?
Zend ne kji un meelke mè die spreuke noa preus@depreusketiers.be.

 

Mjir ip:

Wiene zimme widd’r?

Bie De Preusketiers werkn we me twjin twoppe: nen vulbloed en nen olfbloed West-Vloaming.

Dominique Monbaillieu es nen echtn Lauweneire (ge wit wel: drie kjièrs Lauwe es nog nie warme), en ie weunt er nog oltit twoppe me zin drie prèntn.

Bisn dag en wok sovunds achter zin eurn grafisken olleskeunder en dus wok in tbestuur van De Preusketiers.

 

Kristof Malfait es den olfbloed. Geboren en nu weunende in Wost-Vloandren, moa vergis jon nie. Mè Zwevegemse vlasweirkers als vworvoaders, joarnlange in Tielt en Brugge geweunt, ol mjir dan 20 jaar ant weirkn tussn de West-Vloamingn in Kortrik en getrouwd me un wuv van de zji ziejut verskil ol nie mji.

Jes project-manager voe zin stutn te verdien, gin-maker voe de goeste en nu wok in tbestuur van De Preusketiers.